Qyzylordada 90 jastaǵy turǵyn alǵash ret tólqujat aldy
QYZYLORDA. QazAqparat - Qyzylorda qalasynyń 90 jastaǵy turǵynyna alǵash ret elimizdiń jańa úlgidegi tólqujat berildi, dep habarlaıdy QazAqparat tilshisi.
Qyzylorda qalasy polıtsııa basqarmasynyń kóshi-qon qyzmet bólimi jáne halyqqa qyzmet kórsetý ortalyǵynyń (HQKO) qyzmetkerleri birigip arnaıy is-sharany qolǵa aldy. Nátıjesinde múmkindigi shekteýli jáne zeınetkerlik jastaǵy azamattardy, kóp balaly analardy, qujattandyrý úshin arnaıy turǵylyqty meken-jaıyna baratyn mobıldi toptyń jumysy uıymdastyryldy.
«Búgingi kúnge mobıldi toptarmen barlyǵy 110-ten astam oblys turǵyndary qujattandyryp, olarǵa daıyn qujattardy tabystaldy. Atap aıtqanda, Qyzylorda qalasynyń 90 jastaǵy turǵyny búgingi kúnge deıin eski úlgidegi qujatpen júrgen. Qarııa elimizdiń jańa úlgidegi jeke kýáligimen qujattanbaǵan. Arnaıy is-shara barysynda jańa qujat alǵan qarııa polıtseılerge alǵysyn bildirdi», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada 42 jastaǵy er azamat alǵash ret tólqujat aldy.
