Qyzylordada 9 jasar qyzǵa azǵyndyq áreket jasaǵan kúdikti ustaldy

QYZYLORDA. QazAqparat - Qyzylorda qalasynda 9 jasar qyzǵa azǵyndyq áreketin jasaǵan buzaqy birneshe kúnnen keıin qolǵa tústi, dep habarlaıdy QazAqparat tilshisi.

Oqıǵa 16 shilde kúni bolǵan. Belgisiz azamat 9 jastaǵy qyz balaǵa jynystyq sıpattaǵy zorlyq-zombylyq áreketin jasaǵan. Sodan keıin oqıǵa ornynan qashyp ketken.

«Kúdiktini anyqtaý maqsatynda oblystyq polıtsııa departamenti jáne Qyzylorda qalalyq polıtsııa basqarmasy qyzmetkerleri tarapynan jedel tergeý toby quryldy. Polıtsııa qyzmetkerleri keshendi jedel-izdestirý sharalaryn júrgizdi. Nátıjesinde kúdiktiniń jeke basy anyqtalyp, 26 jastaǵy Qyzylorda qalasynyń turǵyny ustaldy. Ol kinásin tolyǵymen moıyndady», - dep málim etti Qyzylorda oblystyq polıtsııa departamenti.

Departamenttiń habarlaýynsha, qazir kúdikti ýaqytsha ustaý abaqtysyna qamaýǵa alynǵan. Atalǵan derek boıynsha QR Qylmystyq kodeksiniń 121-babynyń 4-bóligimen tergep-tekserý amaldary júrgizilýde.

Buǵan deıin páterinde asylyp qalǵan Qyzylorda turǵyny jaıly habarlanǵan bolatyn.