Qyzylordada 9 medıtsına qyzmetkeri koronavırýs ınfektsııasyn juqtyrǵan

QYZYLORDA. QazAqparat - Qyzylorda oblysynda koronavırýs ınfektsııasy dıagnozy qoıylǵan alǵashqy naýqas tirkelgen kúnnen bastap ony juqtyrǵan 9 medıtsına qyzmetkeri tirkelgen, dep habarlaıdy QazAqparat tilshisi.

Bul jóninde Qyzylorda oblysynyń Bas memlekettik sanıtarlyq dárigeri Álııa Ábdiqaıymova málim etti.

«Olardyń 8-i orta býyn, 1-ýi kishi býyn qyzmetkeri. Anyqtalǵan 3 qyzmetker kásibı turǵyda juqtyrsa, qalǵany naýqastarmen qarym-qatynasta bolǵan. Sondaı-aq, keıbir medıtsına qyzmetkerleri qorǵanysh talaptaryn saqtamaǵan»,-dedi Á. Ábdiqaıymova.

Bas sanıtarlyq dáriger óńirde 11 kompanııa vahtalyq ádispen jumys isteıtinin aıtty. Onyń ishinde eki kompanııanyń qyzmetkeri aldaǵy eki táýlikte aýysym jumystaryn júrgizedi. Al, vahtadan kelgen azamattar úı karantınine alynady.

Búgingi tańda Qyzylorda oblysynda koronavırýs ınfektsııasy qoıylǵan 127 adam bar.