Qyzylordada 86 myńnan astam adam koronavırýsqa qarsy vaktsına saldyrdy
Óńirde qaterli indetke qarsy ekpe alý aqpan aıynyń alǵashqy kúninen bastaldy. Búginde turǵyndar «Spýtnık V», «Hayat Vah» jáne «QazVac» vaktsınalaryn saldyrdy.
Oblysta KVI-ǵa qarsy ımmýndaý naýqanyna 19 ekpe kabıneti, onyń ishinde aýdandarda 9 kabınet jasaqtalǵan. Budan basqa 10 jyljymaly/kóshpeli pýnkttiń (brıgadanyń) jumysy uıymdastyrylǵan.
Barlyǵy qajetti muzdatqysh jabdyqtarymen, muzdatý elementterimen qamtamasyz etilgen. Immýndaý naýqanyna 130 astam medıtsına qyzmetkeri tartylǵan.
«Medıtsınalyq aqparattyq júıeniń derekterine sáıkes birinshi komponentpen 86065 adam egildi, onyń ishinde medıtsına qyzmetkerleri – 12729, pedagogtar – 22 586, kúsh qurylymdarynyń qyzmetkerleri men ýchaskelik polıtsııa qyzmetkerleri – 5379, memlekettik qyzmetshiler – 3815, stýdentter – 1651, qalǵany basqa kontıngentter. Ekinshi komponentpen – 34405 adam qamtyldy. Egilgender arasynda ımmýndaýdan keıingi qolaısyz kórinister tirkelgen joq», - dedi oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Eske salsaq, budan buryn Qyzylorda aýrýhanalarynda 451 postkovıdti ońaltý qyzmeti kórsetildi.