Qyzylordada 82 jastaǵy qarııa koronavırýs juqtyrdy
Sońǵy táýlikte óńirde Qyzylorda oblysynda koronavırýs ınfektsııasyn juqtyrǵan 30 adam tirkeldi. Olardyń 25-i Qyzylorda qalasynyń turǵyny bolsa, 2-ýi Aral, 3-ýi Jańaqorǵan aýdandarynda turatyny anyqtaldy. Olardyń arasynda eń úlkeni -1938 jylǵy er adam, eń kishisi - 2016 jyly dúnıege kelgen er bala.
«PTR analızderi 22 naýqastan vırýsty juqtyrǵan adamdarmen qarym-qatynasta bolýyna baılanysty alynǵan. Al 7 adamnan QR Bas memlekettik sanıtarlyq dárigeriniń qaýlysyna sáıkes skrınıngteý kezinde belgili boldy. Sondaı-aq, 1 adam JRVI sımptomynyń bar bolýyna baılanysty ózdiginen medıtsınalyq kómekke júginip, analız tapsyrǵan. Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazir patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazir Qyzylorda oblysynda koronavırýs ınfektsııasyn juqtyrǵan 448 adam tirkelgen.