Qyzylordada 800 sharshy metr aýmaqta eski shınalar janyp jatyr

QYZYLORDA. QazAqparat – Qyzylorda qalasynda jeke kompanııa aýmaǵynda eski dóńgelekter janyp jatyr. Órt aýmaǵy shashamen 800 sharshy metrdi quraıdy, dep habarlaıdy QazAqparat tilshisi.

«13 maýsym kúni saǵat 11.12-de Qaratoǵaı kóshesi, 43 mekenjaındaǵy eski shınalardy kádege jaratatyn «Smart rubber» JShS aýmaǵynda órt boldy. 800 sharshy metr aýmaqta avtokólik dóńgelekteriniń eski shınalary tutandy. Jalynnyń taralýyna jol berilgen joq. Qaza bolǵandar men zardap shekkender joq.

Oqıǵa ornynda oblystyq Tótenshe jaǵdaılar departamentinen 45 adam 9 tehnıkamen jumys atqarýda. Sondaı-aq, Apattar medıtsınasy ortalyǵy fılıalynan 4 adam 1 tehnıkamen keldi», - dep málim etti Qyzylorda oblystyq Tótenshe jaǵdaılar departamentinen.