Qyzylordada 8 jasar ul bala sýǵa batyp ketti
QYZYLORDA. QazAqparat - Qyzylorda oblysy Qarmaqshy aýdanynda segiz jasar ul bala sýǵa batyp ketti, dep habarlaıdy QazAqparat tilshisi.
Oqıǵa 20 maýsymda saǵat 16.30 shamasynda bolǵan.
Aýdannyń temirjol kópirine jaqyn bóligindegi Qaraózek kanalyndaǵy sýǵa túsýge ruqsat etilmegen aýmaǵynda 2013 jyly dúnıege kelgen ul bala sýǵa batyp ketti.
Balanyń qasynda kámelet jasyna tolmaǵan taǵy 6 jasóspirim bolǵan. Olar eresek adamdardyń baqylaýynsyz qalǵan.
«Qazir sýǵa batyp ketken balanyń denesin izdestirý jumystary júrgizilýde. Oǵan oblystyq tótenshe jaǵdaılar departamentinen 6 qutqarýshy, 1 tehnıka qatysýda», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Eske salsaq, budan buryn 47 jastaǵy azamattyń denesi Syrdarııadan tabylǵan bolatyn.
