Qyzylordada 8 mln teńgeniń zattaryn qoldy etken urylar ustaldy
QYZYLORDA. QazAqparat - Qyzylordada páter urlyǵy jáne birneshe qylmysqa qatysy bar eki turǵyn sottaldy. Olar jábirlenýshilerge 8 mln teńgege jýyq shyǵyn keltirgen, dep habarlaıdy QazAqparat tilshisi.
Qyzylorda qalasynyń eki turǵyny páter urlyǵyn túngi ýaqytta jasaǵan. Olar jatyn bólmesiniń terezesi arqyly úıge kirgen. Sóıtip teledıdar, zergerlik buıymdar jáne baǵaly kıimderdi qoldy etken.
«Oryn alǵan derek boıynsha QR Qylmystyq Kodeksiniń 188-babynyń 3-bóligimen (urlyq) sotqa deıingi tergep-tekserý amaldary júrgizildi. Tergeý barysynda kúdik keltirilgen qalanyń eki turǵyny bul qylmystan bólek jasaǵan 8 epızodqa qatysty qylmysy áshkerelendi. Kúdiktiler jasaǵan barlyq qylmysyn tolyq moıyndady. Jábirlenýshilerge keltirilgen shyǵynnyń jalpy kólemi 7 mln 785 myń teńgeni quraıdy», - dep habarlady Qyzylorda oblystyq polıtsııa departamenti baspasóz qyzmetinen.
Sot úkimimen olardyń biri 3, ekinshisi 1 jyl 3 aı merzimge bas bostandyǵynan aıyryldy.
Budan buryn Qyzylordada kásipkerge shabýyl jasaǵan 6 adam qolǵa túskenin habarlaǵan edik.
