Qyzylordada 8 aı buryn joǵalyp ketken áıeldiń máıiti tabyldy
QYZYLORDA. QazAqparat - Qyzylorda qalasynda segiz aı buryn jumbaq jaǵdaıda joǵalyp ketken áıeldiń máıiti tabyldy, dep habarlaıdy QazAqparat tilshisi.
Aıta ketsek, áıel 2020 jyldyń 30 qazanynda úıinen belgisiz baǵytqa shyǵyp, habar-osharsyz ketken. Іzdeý jumystaryna arnaıy mobıldi top qurylyp, onyń jumysyna quzyrly organdardyń kúshteri men eriktiler jumyldyryldy.
«Polıtseıler Qyzylorda qalasyna qarasty Belkól eldi mekeninen 2,5 shaqyrym aýmaqtan belgisiz adamnyń máıiti tapty. Birneshe márte júrgizilgen saraptamalar nátıjesinde ol segiz aı buryn joǵalǵan áıeldiń máıiti ekendigi naqtylandy. Máıitte zorlyq-zombylyq belgisi joq. Qazirgi tańda tıisti sotqa deıingi tergep-tekserý amaldary júrgizilýde. Kisi óliminiń naqty sebepteri anyqtalýda», - dep málim etti Qyzylorda oblystyq polıtsııa departamentinen.
