Qyzylordada 78 jastaǵy áıel koronavırýs juqtyrdy
Sońǵy táýlikte oblysta 25 adam qaterli indetti juqtyrǵan.
Olardyń 10-y Qyzylorda qalasynda, 10-y ‒ Aral, 1-i ‒ Shıeli, 2-ýi ‒ Jańaqorǵan, 1-ýi ‒ Qazaly aýdanynda tursa, 1-ýi Shymkent qalasynan kelgen.
«Olardyń arasynda eń úlkeni - 1942 jylǵy áıel adam. PTR analızderi 17 naýqastan aýrý juqtyrǵan adamdarmen qarym-qatynasta bolýyna baılanysty alynǵan. Al 3 adamnan ol skrınıngteý kezinde anyqtalsa, 2 adamnan Almaty, Shymkent qalalarynan kelýine baılanysty, 1 adamnan QR Bas memlekettik sanıtarlyq dárigeriniń Qaýlysyna sáıkes JRVI belgileriniń bolýy boıynsha, 1 adamnan provızorlyq statsıonarda alynǵan. Taǵy 1 adam óz qalaýymen PTR taldaýyna synama tapsyrǵan. Zertteý qorytyndysy atalǵan azamattardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, olarmen qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazir Qyzylorda oblysynda koronavırýs ınfektsııasy dıagnozy qoıylǵan 371 adam bar.
Olardyń arasynan 233-i emdelip shyqty.