Qyzylordada 76 jastaǵy qarııa koronavırýs juqtyrdy
Sońǵy táýlikte Qyzylorda oblysynda koronavırýs ınfektsııas belgisimen 4 adam tirkeldi. Vırýsty juqtyrýdyń 1 deregi Qyzylorda qalasynda bolsa, 2-i Aral, 1-i Shıeli aýdanynda tirkeldi.
«Naýqasqa shaldyqqandar - 1989, 1970, 1983 jáne 1944 jyly dúnıege kelgen azamattar. Olar densaýlyq jaǵdaıyna baılanysty shaǵymymen ózdiginen medıtsınalyq kómekke júgingen. PTR analızderi alynyp, zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti.
Qazir Qyzylorda oblysynda koronavırýs ınfektsııasyn juqtyrǵan 465 adam bar. Onyń ishinde 291 adam syrqatynan jazylyp shyqty.