Qyzylordada 735 adam koronavırýs ınfektsııasyna qarsy vaktsına saldyrdy
Qyzylorda oblysynda 3697 adam qaterli indettiń quryǵyna ilikti. Olardyń arasynan 3574-i syrqatynan qulan-taza aıyqty.
Ótken táýlikte óńirde atalǵan aýrý boıynsha 18 naýqas tirkeldi. Naýqastardyń 15-i Qyzylorda qalasynyń, qalǵany Qarmaqshy aýdanynyń turǵyndary.
Aımaqqa aqpan aıynyń basynda reseılik «Spýtnık V» vaktsınasynyń 1000 dozasy jetkizilgen. Ekpe egý alǵashqy kezeńde medıtsına salasynyń, onyń ishinde qabyldaý, juqpaly aýrýlar, jansaqtaý jáne hırýrgııalyq bólim qyzmetkerlerine júrgizilýde. Al kelesi kezeńde muǵalimderge jáne juqtyrý qaýpi neǵurlym joǵary jumys oryndarynyń qyzmetkerlerine salynady.
«Barlyǵy dárigerler baqylaýynda, densaýlyǵyna shaǵymy joq. Myna álemdi jaılaǵan indettiń taralý qaýpin tek ekpe saldyrý arqyly ǵana tómendete alamyz», - deıdi oblystyq densaýlyq saqtaý basqarmasynyń mamandary.
