Qyzylordada 70 jastaǵy batyr ananyń júregine ota jasaldy
QYZYLORDA. QazAqparat - Qyzylordada 70 jastaǵy batyr ananyń júregine ota jasaldy, - dep habarlady oblystyq densaýlyq saqtaý basqarmasynyń baspasóz qyzmeti.
Naýqas Úıtolǵan Beısenǵalıeva týabitti júrek aqaýyna shaldyqqan. Júreginde tesik bolǵan. Medıtsınada mundaı naýqastardy 5-6 aılyq kezden 5 jasqa deıingi aralyqta hırýrgııalyq jolmen emdeıdi. Syrqatyna qaramastan Úıtolǵan áje 10 balany dúnıege ákelgen. «Batyr ananyń syr bermeı, aıaq basyp júrgeni - tańqalarlyq jaǵdaı», - deıdi kardıolog mamandar.
Biraq shóbere súıgen keıýananyń keıingi kezde entigýi jıilepti. Sońǵy kezde júrip-turýy qıyndaǵan kezde ǵana ol dárigerlerge júgingen. Oblystyq medıtsına ortalyǵy kardıologııa bólimshesiniń meńgerýshisi Berik Dáýitbaev naýqastyń jaǵdaı jaqsy ekenin búginde úıine shyǵarylýǵa daıyndalyp jatqanyn jetkizdi.
