Qyzylordada 7 jasar bala besinshi qabattan qulap ketti

QYZYLORDA. QazAqparat - Qyzylorda qalasynda jeti jasar er bala besinshi qabattan qulap ketti, dep habarlaıdy QazAqparat tilshisi.

Oqıǵa búgin, 12 shilde saǵat 12.45 shamasynda Jappasbaı batyr kóshesindegi kópqabatty úıdiń birinde bolǵan.

«Bes qabatty turǵyn úıdiń besinshi qabatynan 2016 jylǵy er bala qulap ketken. Ol alǵan dene jaraqatymen aýrýhanaǵa jetkizildi. Jaǵdaıy ortasha aýyr dep baǵalanyp otyr. Turǵyndardan búkil qaýipsizdik sharalaryn saqtaýdy suraımyz», - dedi oblystyq tótenshe jaǵdaılar departamenti baspasóz qyzmetiniń jetekshisi Aıgúl Nurmanova.

Vedomstvo málimetinshe, jyl basynan beri jeti bala kópqabatty úıdiń terezesinen qulap ketken.

Onyń arasynda bireýi alǵan dene jaraqatynan kóz jumdy.

Eske salsaq, budan buryn Qyzylordada sýǵa ketken stýdenttiń denesi úsh kúnnen keıin tabylǵan edi.