Qyzylordada 6 jasar qyz bala koronavırýs ınfektsııasyn juqtyrdy

QYZYLORDA. QazAqparat - Qyzylordada búgin 9 adam koronavırýs ınfektsııasyn juqtyrdy, dep habarlaıdy QazAqparat tilshisi.

Olardyń barlyǵy Qyzylorda qalasynda turady. Naýqastardyń ishinde jasy eń úlkeni - 1956 jylǵy áıel adam bolsa, eń jasy - 2014 jyly týǵan qyz bala.

«PTR analızderi 8 adamnan aýrý juqtyrǵan adammen qarym-qatynasta bolýyna baılanysty jáne bir azamattan QR Bas memlekettik sanıtar dárigeriniń qaýlysyna sáıkes alynǵan. Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr», - dep málim etti Qyzylorda oblystyq taýarlar men qyzmetterdiń sapasy men qaýipsizdigin baqylaý departamenti.

Qazir Qyzylorda oblysynda koronavırýs ınfektsııasyn juqtyrǵan 275 adam tirkelgen. Onyń ishinde 219 adam emdelip shyqqan.