Qyzylordada 6 medıtsına qyzmetkeri koronavırýs juqtyrdy
QYZYLORDA. QazAqparat - Qyzylorda oblysynda koronavırýs juqtyrǵan 7 adamnyń 6-ýy medıtsına salasynda qyzmet etedi, dep habarlaıdy QazAqparat tilshisi.
Bul jóninde Qyzylorda oblystyq densaýlyq saqtaý basqarmasynyń basshysy Jaqsylyq Abdýsametov málim etti.
«Olardyń arasynda 1-ýi dáriger, 2-ýi kólik júrgizýshisi, 1-ýi tehnıkalyq qyzmetker jáne 2 medbıke bar. Atalǵan azamattar ınfektsııany skrınıngtik tekserýden ótkizý barysynda juqtyrǵan», - dedi basqarma basshysy.
Qazirgi tańda Qyzylorda oblysynda koronavırýs ınfektsııasyn juqtyrǵan 177 adam tirkeldi.
