Qyzylordada 56 jastaǵy er adam Syrdarııa ózenine batyp ketti
QYZYLORDA. QazAqparat - Qyzylordada 56 jastaǵy er adam Syrdarııa ózenine batyp ketti. Oqys oqıǵa 9 mamyrda Qyzylorda qalasynan 40 shaqyrymdaı qashyqtyqta ornalasqan Kókjıde stansasy aýmaǵynda bolǵan, dep habarlaıdy QazAqparat tilshisi.
Kirpish zaýytynda jumys isteıtin 1966 jylǵy azamattyń Syrdarııaǵa batyp ketkeni jóninde habar saǵat 16:40 shamasynda túsken.
«Oqıǵa ornyna jedel qutqarý jasaǵynan 6 qyzmetker 1 tehnıka jáne 1 motorly qaıyqpen bardy. Qutqarýshylar tarapynan izdestirý jumystary bastaldy. Ol 9 mamyrda 20:00 shamasynda toqtatylyp, búgin 10 mamyrda 7:30 shamasynda qaıta jalǵasty. Onyń máıiti 14:00 shamasynda batqan jerinen 20-25 metrdeı qashyqtyqta tabyldy», - dep málim etti oblystyq tótenshe jaǵdaılar departamenti órt sóndirý jáne avarııalyq-qutqarý qyzmetiniń baspasóz hatshysy Álııa Erejepova.
Eske salsaq, budan buryn Qyzylordada japan túzde joǵalǵan qoıshy jigit eki kúnnen keıin tabyldy.
