Qyzylordada 55 jastaǵy azamat sýǵa batyp ketti

QYZYLORDA. QazAqparat - Qyzylorda qalasyna qarasty «Sabalaq» saıajaıyn mańyndaǵy kanalda 1 shildede 55 jastaǵy azamat sýǵa batyp ketti, dep habarlaıdy QazAqparat tilshisi.

Ol ruqsat etilmegen aýmaqta sýǵa túsken. Saldarynan tilsiz jaýdyń qurbany boldy. Onyń denesin izdeýge «Ońtústik óńirlik aeroutqyr jedel qutqarý jasaǵy» memlekettik mekemesiniń mamandary tartyldy. Marqumnyń jansyz denesi  bir saǵattaı ýaqyttan keıin jaǵaǵa shyǵaryldy.

«Jyl basynan beri Qyzylorda oblysynda sýǵa ketýge baılanysty 16 jaǵdaı tirkeldi. Olardyń ishinde 5-i mektep oqýshysy. Sondyqtan jergilikti turǵyndardan sýǵa túsý qaýipsizdigin qatań saqtaýyn suraımyz. Sondaı-aq, ata-analarǵa balalardy sý aıdyndaryna qaraýsyz jibermeýin ótinemiz». - deıdi «Ońtústik óńirlik aeroutqyr jedel qutqarý jasaǵy» memlekettik mekemesiniń  basshysy Baqyt Embergenov.

Buǵan deıin Qyzylordada 14 jastaǵy jasóspirim sýǵa batyp ketkeni habarlanǵan bolatyn.