Qyzylordada 54 jastaǵy er adamdy 13 kúnnen beri taba almaı jatyr

QYZYLORDA. QazAqparat – Qyzylordada 54 jastaǵy er adamdy 13 kúnnen beri izdestirip jatyr, dep habarlaıdy QazAqparat tilshisi.

Málim bolǵanyndaı, oblys ortalyǵynyń turǵyny usta bolǵan. Ol 2 mamyr kúni Tasbóget kentine ketken, sodan beri habarsyz.

«Atalǵan oqıǵa boıynsha derek 7 mamyrda tirkeldi. Bul jaıly Qyzylorda qalalyq polıtsııa basqarmasynyń 102 baılanys arnasyna bir áıel qońyraý shalǵan. Joǵalǵan er adamdy izdeý úshin ýchaskelik polıtsııa ınspektorlary, krımınaldy polıtsııa qyzmetkerleri arasynda toptar quryldy. Keshendi jedel izdestirý is-sharalary júrgizilýde», dep málim etti Qyzylorda oblystyq polıtsııa departamentiniń baspasóz qyzmetiniń mamany Tımýr Dosmaıyl.