Qyzylordada 53 jastaǵy malshy joǵalyp ketti
QYZYLORDA. QazAqparat - Qyzylorda oblysy Jalaǵash aýdanynda jergilikti sharýa qojalyǵynyń bir kúnnen beri habarsyz ketken 53 jastaǵy malshysyn izdeý bastaldy, dep habarlaıdy QazAqparat tilshisi.
Ol 10 naýryzda sharýa qojalyǵynyń jaıylymynan belgisiz baǵytqa shyǵyp ketken. 1968 jyly dúnıege kelgen azamat sodan beri qaıta oralmaǵan.
«Oqıǵa ornyna 11 naýryzda saǵat 13.00 shamasynda Qyzylorda oblystyq tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń 5 qutqarýshysy 1 tehnıkamen attanyp ketti. Іzdestirý jumystary jasalýda», - dep málim etti Qyzylorda oblystyq tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen.
