Qyzylordada 52 jastaǵy kisi aýyl mańyndaǵy sý aıdynyna batyp ketti

QYZYLORDA. QazAqparat - Qyzylorda oblysynda 52 jastaǵy turǵyn aýyl mańyndaǵy sý aıdynyna sýǵa batyp ketti, dep habarlaıdy QazAqparat tilshisi.

Oqıǵa búgin, 8 maýsymda saǵat 18.42 kezinde bolǵan.

Sol ýaqytta tótenshe jaǵdaılar qyzmetine Aral aýdany Raıym aýyldyq okrýgine qarasty Jetes bı aýylynan 3 shaqyrym qashyqtyqta ornalasqan sý aıdynynda 1970 jyly dúnıege kelgen azamattyń batyp ketkeni jóninde habarlama tústi.

«Atalǵan shaqyrtý boıynsha Aral aýdany Qambash eldi mekeninen jedel qutqarý jasaǵynyń qyzmetkerleri jolǵa shyqty. Qutqarýshylar 19.40-ta 52 jastaǵy azamattyń jansyz denesin sýdan alyp shyqty. Ol ózi sýǵa túsken aýmaqtan 10 metr qashyqtyqta sý astynan tabyldy», dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý qyzmetiniń baspasóz hatshysy Álııa Erejepova.

Vedomstvo málimetinshe, jyl basynan beri 12 adam sýǵa ketken. Onyń 5-eýi - bala.

Osy oraıda Qyzylorda oblysy tótenshe jaǵdaılar departamenti turǵyndardy sý aıdynynda qaýipsizdikti qatań saqtaýǵa jáne ruqsat etilmegen jaǵajaıda sýǵa túspeýge shaqyrady.

Eske salsaq, budan buryn Qyzylordada sýǵa batyp ketken elordalyq jasóspirimniń denesi tabylǵan edi.