Qyzylordada 516 jas qurylysshy jumysqa joldama aldy

ASTANA. QazAqparat - Qyzylorda oblysy ákimi Qyrymbek Kósherbaev jas qurylysshylar jasaǵymen kezdesti. Onda óńirdegi jastardy eńbekke tartý máselesi sóz bolyp, 516 qurylysshy jumysqa ornalasý joldamasyn aldy. Bul týraly oblys ákimdiginiń baspasóz qyzmeti habarlady.

Jas qurylysshylar jasaǵanyń jetekshisi Sádirbek Jumabekov aımaq basshysyna jumyssyz jastardyń máselesin aıtyp, qoldaý kórsetýin surady. Oblys ákimi Qyrymbek Kósherbaev jas qurylysshylar jasaǵynyń usynysyn qoldap, oblysta júrip jatqan qurylys nysandarynda búginniń ózinde 516 jastyń jumysqa turýyna múmkindik bar ekenin aıtty, dep jazady egemen.kz saıty. 

«Men ózim de qurylysshymyn. Eńbek jolymdy sizder sııaqty jas qurylysshylar otrıadynan bastaǵanmyn. Qazir oblysymyzda qurylys kólemi artyp, aýqymdy jumystar atqarylyp jatyr. Sondyqtan jas qurylysshylarǵa qoldaý kórsetýge biz daıynbyz. Óńirdegi kompanııalarǵa 500-den astam jumyssyz júrgen qurylysshylardy jumysqa ornalastyrý týraly kelisim bar», - dedi oblys ákimi Qyrymbek Kósherbaev.

Aıta ketý kerek, Jas qurylysshylardyń jasaǵy arqyly 2013 jyldan beri 900-ge jýyq jas oblys kólemindegi júrgizilip jatqan qurylys nysandaryna jumysqa ornalasqan.

Qazir Qyzylorda oblysy qurylys salý kólemi boıynsha respýblıkada kóshbasshy aımaqtardyń qatarynda. Tek 2015 jyldyń ózinde Qyzylorda qalasynda 54 kópqabatty turǵyn úı salynyp, 2684 syrboıylyq baspanaly boldy. Al bıyl 75 kópqabatty turǵyn úı boı kóteredi dep josparlanyp otyr.