Qyzylordada 500 kg esirtki tárkilendi

QYZYLORDA. QazAqparat –Qyzylorda oblysynyń polıtsııa qyzmetkerleri bıylǵy jyldyń maýsym-shilde aılarynda zańsyz aınalymnan 500 keli esirtki zatyn tárkiledi, dep habarlaıdy QazAqparat tilshisi.

Bul qylmystyq ister oblys kóleminde júrgizilgen «Kóknár-2019» jedel profılaktıkalyq is-sharasy barysynda belgili boldy. Jergilikti saqshylar 1 maýsymnan bastap bul baǵytta nátıjeli jumystar atqardy. Alǵashqy eki aıdyn qorytyndysy boıynsha 200-den astam esirtkige qatysty quqyq buzýshylyǵy anyqtaldy. Olardyń qatarynda 16-y esirtki zatyn satý, 10-y esirtki zatyn asa iri mólsherde zańsyz saqtaý, 42-si esirtkini zańsyz egý bolyp tabylady.

«Bul baǵytta ishki ister organdary men oblystyń múddeli qyzmetteri, basqada quqyq qorgaý organdary jáne arnaıy organdarymen birlesip qajetti jumystardy atqaryp keledi. Esirtkiniń zańsyz alqaptaryn anyqtaý jáne joıý baǵytynda profılaktıkalyq jáne reıdtik is-sharalar júrgizilýde. Bul maqsatta oblys aýmaǵynda ǵaryshtan spektrlik baqylaý múmkindikteri qarastyrylǵan. Sonymen qatar, tikushaq jáne ushqyshsyz basqarylatyn áýe tehnıkalary qoldanylýda», - dep málim etti Qyzylorda oblystyq polıtsııa departamenti.

Budan buryn Aralda sora egilgen alqap tabylǵanyn habarlaǵan edik https://kaz.inform.kz/news/aralda-sora-egilgen-alkap-tabyldy_a3554681.

Sondaı-aq, Jalaǵash aýdanynda da esirtki alqaby anyqtaldy https://kaz.inform.kz/news/sora-osirip-sorlady_a3555485.