Qyzylordada 5 jasar bala kópqabatty úıdiń terezesinen qulap ketti
QYZYLORDA. QazAqparat - Qyzylordada kópqabatty turǵyn úıden bes jastaǵy qyz bala qulap, jaraqat aldy, dep habarlaıdy QazAqparat tilshisi.
Atalǵan oqıǵa 17 mamyr kúni Qyzylorda qalasyndaǵy «Astana» móltek aýdanynda oryn alǵan. Sol sátte ol úıde ata-ananyń qaraýynsyz qalǵan.
«Sońǵy ýaqytta oblysta balalardyń terezeden qulaý oqıǵasy jıi kezdesedi. Bıyl mundaı oqıǵa ekinshi márte tirkelip otyr. Qazirgi tańda balanyń jaǵdaıy ortasha. Oblystyq balalar aýrýhanasynda dárigerler baqylaýynda», - dep málim etti Qyzylorda oblystyq órt sóndirý jáne avarııalyq qutqarý qyzmetiniń baspasóz mamany Álııa Erejepova.
Al, 2019 jyly 7 bala osyndaı jaǵdaıǵa tap bolyp, onyń ishinde bir bala oqıǵa ornynda qaza tapqan. Zardap shekkenderdiń negizgi bóligi - 1-6 jas aralyǵyndaǵy balalar.
Budan buryn Qyzylordada eki jastaǵy sábı úshinshi qabattan qulap ketti.
