Qyzylordada 5 myńnan astam adam koronavırýs ınfektsııasyna qarsy vaktsına qabyldady
QYZYLORDA. QazAqparat - Qyzylorda oblysynda búgingi kúnge deıin 5 myńnan astam adam koronavırýs ınfektsııasyna qarsy vaktsına qabyldady, dep habarlaıdy QazAqparat tilshisi.
Qyzylorda oblysynda qaterli indetke qarsy ekpe qabyldaý sharasy 1 aqpannan bastalǵan bolatyn. Sol ýaqyttan beri 5292 adam ekpe qabyldaýǵa nıet bildirdi. Oblysta 22 aqpannan bastap 1290 adam vaktsına saldyrdy.
Búginde oblystaǵy barlyq aýdanda reseılik «Spýtnık V» vaktsınasynyń alǵashqy dozalary salynýda. Qaýipti keselge qarsy ekpe saldyrǵandar qatarynda Jańaqorǵan jáne Syrdarııa aýdandarynyń turǵyndary da bar.
Koronavırýsqa qarsy ekpe jumystary Jańaqorǵan jáne Syrdarııa aýdandarynda júıeli júrgizilýde. Qos aýdanda vaktsınatsııalaý naýryz aıynda bastaldy. Búginde Jańaqorǵanda 200, Syrdarııada 100 adamǵa ekpe salynǵan.
«Aýdanda vaktsına salýǵa deıin jan-jaqty daıyndyq jumystary júrgizildi. Ekpe kabınetteri qajetti qurylǵylarmen jabdyqtaldy. Aı basynda aýdanǵa koronavırýs ınfektsııasyna qarsy ekpeniń birinshi jáne ekinshi komponentine 400 doza jetkizildi. Jalpy ekpe salynǵandar arasynda aýyr asqynýlar oryn alǵan joq. Negizi, aýdan boıynsha 5249 adam vaktsına alýǵa nıet bildirip otyr. Sol sebepti sáýir aıynan bastap aı saıyn 580 doza vaktsına egýdi josparlap otyrmyz», - dedi Jańaqorǵan aýdanaralyq aýrýhanasynyń bas dárigeri ıAhııa Shorabaev.
Alǵashqy kezeńde halyqpen únemi tyǵyz baılanysta bolatyn medıtsına qyzmetkerleri, ınfektsııalyq aýrýhanalar, jedel járdem, reanımatsııa bólimsheleri, naýqastardy qabyldaý bólmesi, alǵashqy medıtsınalyq-sanıtarlyq kómek qyzmetiniń medıtsına qyzmetkerleri jáne sanıtarlyq-epıdemıologııalyq qyzmet jumysshylaryna ekpe salyndy. Endi qalǵan dozalary kezeń-kezeńimen jetkizilse, sáýir aıynda polıtsııa qyzmetkerleri men pedagogtarǵa erikti túrde ekpe salynady.
«Vaktsınalaý jumystaryn júrgizý úshin aýdandyq aýrýhanada sanıtarlyq-epıdemııalogııalyq talaptarǵa sáıkes egý bólimin daıyndap, ekpe egýge 4 dáriger, 3 medbıke jáne 3 medıtsınalyq tirkeýshi mamandaryn jumyldyrdyq. Alǵashqy kezeń úshin bizge 200 doza jetkizildi. Egý jumystaryn aldymen ınfektsııany juqtyrý qaýpi joǵary, qoǵammen jıi baılanys ornatatyn adamdarǵa júrgizdik. Alǵashqy kezeńniń birinshi komponenti 100 dozasy aýdan ákimi apparatynyń qyzmetkerleri, medıtsına qyzmetkerleri, sanıtarlyq-epıdemıologııalyq basqarmasynyń qyzmetkerlerine salyndy», -dedi Syrdarııa aýdanaralyq aýrýhanasynyń bas dárigeri Nurjamal Myrzaǵalıeva.
Aıta keetıik, búginnen bastap Qyzylordada oqýshylar tórtinshi toqsanda aralas formatta bilim alady.
