Qyzylordada 47 jastaǵy turǵyn jumys ornynda esirtki satqan
Qyzylorda oblystyq polıtsııa departamentiniń esirtki qylmysyna qarsy is-qımyl basqarmasy prokýratýra organdarynyń bastamasymen jedel-izdestirý sharalaryn júrgizgen bolatyn. Bul shara barysynda atalǵan esirtki satýshy quryqtaldy.
Ol gazet qıyndysyna oralǵan jasyl tústi ózine tán erekshe ıisi bar untaqtardy 2000 teńgege satqan. Saraptama qorytyndysyna sáıkes, gazet qıyndysyna oralǵan esirtki eptirilgen marıhýana ekendigi anyqtaldy. Onyń jalpy salmaǵy 3,56 grammdy qurady.
«Ol azamattyń jumys ornyn tekserý barysynda gazet qıyndysyna oralǵan14 dana orama tabyldy. Sondaı-aq, azamattyń meken-jaıyn tintý barysynda úıinen 12-dana gazet qıyndysyna oralǵan esirtkige uqsas zattar alyndy. Bul derek boıynsha QR Qylmystyq kodeksiniń 297-babynyń 1 bóligi jáne 269 babynyń 3 bóligimen sotqa deıingi tergep-tekserý amaldary júrgizilýde. Kúdikti ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq polıtsııa departamentiniń baspasóz qyzmeti.