Qyzylordada 46 jastaǵy azamat alty aıdan beri habarsyz ketti

QYZYLORDA. QazAqparat - Qyzylorda qalasynda 46 jastaǵy azamatan alty aıdan astam ýaqyttan beri habar joq, dep habarlaıdy QazAqparat tilshisi.

Qyzylorda qalasynyń 46 jastaǵy qala turǵyny Naýanov Erkin Ahanuly 2022 jylǵy 9 shildede úıinen belgisiz baǵytqa shyǵyp ketken.

Sodan beri úıine qaıta oralmaǵan.

Osyǵan baılanysty Qyzylorda qalalyq polıtsııa basqarmasy izdeý saldy.

Erekshe belgileri: boıy: 1,75 -1,80 sm orta deneli, shashy qara aq aralas, kózi końyr, qalyń qasty.

Kıimi: aq tústi fýtbolka, qara tústi shalbar.

«Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaı 8(7242)-29-75-20 nemese 102 arnasyna qońyraý soǵýdy suraımyz», - dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylordada joǵalǵan 61 jastaǵy er adam tabylǵan edi.