Qyzylordada 42 jastaǵy er azamat alǵash ret tólqujat aldy
Shıeli aýdany polıtsııa bóliminiń kóshi-qon qyzmeti bólimshe qyzmetkerleri aýdan kólemindegi turǵyndardy tólqujatpen qamtamasyz etý baǵytynda nátıjeli jumystar júrgizip keledi. Olardyń arasynda múldem qujat almaǵandar, jáne Keńes odaǵynyń 1974 jylǵy eski úlgidegi pasportymen júrgen azamattar da kezdesedi.
Olardy anyqtaý, barlyq múmkindikti tıimdi paıdalana otyryp azamattardy tez arada qujattandyrý baǵytynda josparly is-sharalar júrgizilýde.
«Osynyń nátıjesinde 42 jastaǵy er azamat alǵash ret tólqujat aldy. 1979 jyldyń 24 aqpanynda dúnıege kelgen azamat eshqashan tólqujat almaǵan. Jeke basyn kýálandyratyn qujaty bolmaýyna baılanysty ol bıyl aýdandyq polıtsııa bóliminiń kóshi-qon qyzmeti bólimshesine júgingen bolatyn. Oǵan tıisti memlekettik qyzmet kórsetildi. Qazirgi tańda atalǵan azamattyń quqyqtyq mártebesi retteldi. Ol Qazaqstan Respýblıkasynyń jeke kýáligimen qujattandyryldy», - dep málim etti Shıeli aýdandyq polıtsııa bóliminen.