Qyzylordada 417 polıtseı koronavırýsqa qarsy vaktsına qabyldady

QYZYLORDA. QazAqparat - Qyzylorda qalalyq polıtsııa basqarmasynda eńbek etetin 417 qyzmetker «Spýtnık V» vaktsınasyn saldyrdy, dep habarlaıdy QazAqparat tilshisi.

Olardyń qatarynda qalalyq polıtsııa basqarmasynyń basshylary da bar. Qazirge deıin jeke quramnyń búginde 417 qyzmetkeri «Spýtnık V» vaktsınasyn saldyrdy. Polıtseılerdiń alǵashqy bóligi ekinshi márte ekpe qabyldap úlgerdi. Solardyń biri Jedel basqarý ortalyǵy bastyǵynyń orynbasary, polıtsııa maıory Jandos Qulmanov.

«Búgin ekinshi márte ekpe saldyrttym. Jaǵdaıym jaqsy, turaqty. Men vaktsınatsııany óz erkimmen alǵym keldi. Ol aldymen ózińdi jáne týystaryńdy qorǵaý úshin qajet dep bilemin. Otbasymda koronavıýrs ınfektsııasymen aýyrǵan eshkim joq, juqtyrmas úshin osyndaı tańdaý jasap otyrmyn. Bul óz densaýlyǵyma degen jaýapkershilik dep bilemin», - dedi Jandos Qulmanov.

Eske sala keteıik, budan buryn Qyzylordada koronavırýs juqtyrǵandar sany ósýine baılanysty turǵyndarǵa úndeý jarııalan5an bolatyn.