02:44, 01 Mamyr 2020 | GMT +5
Qyzylordada 40 jastan asqan úsh áıel koronavırýs juqtyrǵan
QYZYLORDA. QazAqparat - Qyzylordada sońǵy tirkelgen 3 naýqas ta Qyzylorda qalasynda turady. Olardyń barlyǵy - 40 jastan asqan áıel adamdar, dep habarlaıdy QazAqparat tilshisi.
Qyzylorda oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń habarlaýynsha, naýqastardan koronavırýs ınfektsııasy qaýiptilik toptaryn skrınıngtik tekserý barysynda anyqtalǵan.
«Qazirgi tańda naýqastar juqpaly aýrýlar aýrýhanasyna oqshaýlandyrylyp, hattamaǵa sáıkes tıisti em qabyldap jatyr. Aýrý oshaqtarynda indetke qarsy is-sharalar atqarylyp, aýrýdyń juǵý joly men qarym-qatynasta bolǵandar anyqtalýda», - dep málim etti vedomstvodan.
30 sáýirdegi elorda ýaqytymen 23.00 jaǵdaı boıynsha Qyzylorda oblysynda koronavırýs ınfektsııasyn juqtyrǵan 201 adam tirkelgen. Onyń ishinde emdelip shyqqandar sany - 118.