Qyzylordada 40 gradýs ystyq bolady
NUR-SULTAN. QazAqparat - Sınoptıkter aýa raıynyń buzylýyna baılanysty elimizdiń birqatar óńirinde eskertý jarııalady, dep habarlaıdy QazAqparat Qazgıdrometke silteme jasap.
5-6 shildede Soltústik Qazaqstan oblysynda keı jerlerinde kún kúrkirep, tuman túsedi. Daýyl turyp, burshaq jaýýy yqtımal. Batystan jáne soltústik-batystan jel soǵady. Keı jerlerde jeldiń kúshi 15-20 m/s jetedi. 6 shildede keı jerlerde nóser jańbyr jaýady.
Osy kúnderi Petropavl qalasynda naızaǵaı oınap, kúndiz daýyl turady. Burshaq jaýady. Batystan jáne soltústik-batystan kúshti jel soǵady, kúndiz jel ekpini - 15-20 m/s.
5 shildede Qostanaı oblysynyń keı jerlerinde kún kúrkirep, batystan jáne ońtústik-batystan kúshti jel soǵady. Kúndiz jel qarqyny - 15-20 m/s.
5 shildede kúndiz Qyzylorda oblysynda 40°S aptap ystyq kútiledi.
5 shildede Shyǵys Qazaqstan oblysynyń keı jerlerinde naızaǵaı oınaıdy. Kúndiz keı jerlerde burshaq jaýady. Ońtústik-batystan soǵatyn jeldiń kúshi 15-20 m/s jetedi.
