Qyzylordada 40 batyr anaǵa «Altyn» jáne «Kúmis alqalar» tabystaldy
QYZYLORDA. QazAqparat - 7 mamyr - Otan qorǵaýshy kúni jáne Qazaqstan Respýblıkasy Qarýly Kúshteriniń qurylǵanyna 25 jyl tolýyna oraı Qyzylorda ákiminiń orynbasary Shahmardan Baımanov qaladaǵy 40 batyr analarǵa Elbasynyń Jarlyǵymen «Altyn alqa» jáne «Kúmis alqa» memlekettik nagradalaryn tabystady. Bul týraly QazAqparat HAA tilshisi habarlady.
«7 mamyr - Otan qorǵaýshy kúni merekesi qarsańyda Sizderdi «Altyn alqa» jáne «Kúmis alqa» nagradalarymen marapattaý sharasyn uıymdastyrýymyz tekten-tek emes. Rasynda, ǵalym da, aqyn da, batyr da, dana da anadan týady. Bir qolymen besikti terbetse, ekinshi qolymen álemdi terbetken aıaýly analardy qurmetteý bul bizdiń perzenttik paryzymyz. Erlermen ıyq teńestirip, batyrlarǵa tán erlikterimen ańyzǵa aınalǵan analarymyz da az emes. Mysaly, keshegi soǵystyń surapyl jyldarynda Otan úshin ot keshken batyr apalarymyz Álııa, Hıýaz ben Mánshúkter - qazaq qyzdarynyń ójettigi men erliginiń sımvoly. Sondyqtan, batyr ana atanyp, «barym balam úshin» degen Sizderdi búgingi kúnniń naǵyz batyrlary retinde maqtan etemiz», - degen qala ákiminiń orynbasary.
Memlekettik nagrada tabystalǵan 40 batyr ananyń 8-i «Altyn alqa» jáne 32-si «Kúmis alqa» ıelendi. Olardyń ishindegi jasy eń úlkeni 80 jasta bolsa, jas batyr ana 32 jasta.
