Qyzylordada 4 jasar sábı ekinshi qabattan qulap ketti
QYZYLORDA. QazAqparat - Qyzylordada tórt jastaǵy sábı kópqabatty úıdiń terezesinen qulap ketti, dep habarlaıdy QazAqparat tilshisi.
Oqıǵa 20 maýsymda saǵat 16.20 shamasynda boldy. Sábı Qyzylorda qalasyna qarasty Tasbóget kentindegi úsh qabatty úıdiń ekinshi qabatynan qulap ketti.
«Baldyrǵandy ata-anasy qaraýsyz qaldyrǵan. Ol oblystyq balalar aýrýhanasyna jetkizildi. Jaǵdaıy ortasha dep baǵalanyp otyr. Oqıǵa ornyna tótenshe jaǵdaılar, basqa da sala mamandary keldi», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Jyl basynan beri Qyzylordada dál osyndaı tórtinshi jaǵdaı tirkeldi.
Al 16 mamyrda «Shuǵyla» móltek aýdanynda eki jasar sábı terezeden qulap ketti.
