Qyzylordada 4 jasar qyzdyń asqazanynan bir keli shash shyqty

QYZYLORDA. QazAqparat - Qyzylorda oblysynda dárigerler 4 jasar qyzdyń asqazanynan salmaǵy bir keli shash aldy, dep habarlaıdy QazAqparat tilshisi.

Oblystyq kópbeıindi balalar aýrýhanasynyń hırýrgtary asqazan trıhobezoary dıagnozymen 4 jasar qyzǵa ota jasaǵan bolatyn. Dárigerler balanyń asqazanynan salmaǵy 1 keli shashty alyp tastady. Shashtyń uzyndyǵy 34 santımetr bolady.

Oblystyq kópbeıindi balalar aýrýhanasynyń shuǵyl hırýrgııa bóliminiń meńgerýshisi Álimjan Tólegenov buǵan deıin sábıdiń tábeti bolmaı, aýrýhanaǵa aýyr jaǵdaıda túskenin aıtty.

«Tekserý jáne dıagnoz qoıý kezinde naýqastyń jaǵdaıy ortasha aýyr dep baǵalandy. Sábıge asqazan trıhobezoary dıagnozy qoıyldy. Dereý ota jasaý týraly sheshim qabyldandy», - dedi ol.

Operatsııany hırýrg Álimjan Tólegenov, anestezıolog Kórkem Baekeı, assıstent Samat Shýaqbaev, medbıke Aqmaral Bektashova jasap shyqty.

Eske salsaq, Qyzylorda oblysynda 18 naýqas jansaqtaý bóliminde jatyr.