Qyzylordada 4 myń ustaz májbúrli túrde mindetti emes medıtsınalyq tekserýden ótkizilgen
QYZYLORDA. QazAqparat - Qyzylorda oblystyq prokýratýrasy densaýlyq saqtaý týraly zańnamalardyń qoldanylýyna júrgizilgen taldaý nátıjesinde muǵalimderdiń «Mindetti medıtsınalyq qarap tekserýdi ótkizý qaǵıdalarynda» qaralmaǵan tekserý túrleri boıynsha medıtsınalyq dárigerlik tekserýden ótetini anyqtaldy. Ustazdarǵa qyzmet aqyly túrde kórsetilgen. Bul týraly QazAqparat HAA tilshisi oblystyq prokýratýraǵa silteme jasap habarlady.
Oblys prokýrory H.Dáýeshov, ereje talaptaryna sáıkes, mektep, kolledj, joǵarǵy oqý oryndary, mektepten tys mekemelerdiń qyzmetkerleri árbir oqý jylynyń basynda terapevt dárigeriniń qaraýynan jáne flıýorografııalyq zertteýden ǵana ótýi tıistigin atap kórsetti.
Tek ótken jyly ǵana emhanalar ózderiniń bıýdjetin toltyrý úshin 4 myń muǵalimdi oftalmolog, otolarıngolog, hırýrg, gınekolog jáne taǵy basqa dárigerlerden qosymsha ótýdi mindettegen, osy arqyly 3,5 mln. teńge tabys tapqan.
«Prokýrorlyq sharalar nátıjesinde emhanalar oqytýshylardan negizsiz alǵan aqshany qaıtarýda. Qazirgi tańda 2 myń muǵalimge 2 mln. teńge qaıtaryldy», - dep habarlaıdy oblys prokýrory.
