Qyzylordada 4 mln-nan astam teńgeniń zergerlik buıymdaryn urlaǵan turǵyn sottaldy
Bul oqıǵa bıylǵy jyldyń mamyr aıynda bolǵan. Qyzylorda qalasyndaǵy turǵyn úıdiń birine belgisiz azamat plastık terezeni buzyp kirgen. Sodan keıin qymbat turatyn zergerlik buıymdardy urlap ketken. Jábirlenýshige keltirilgen shyǵyn 4 mln 450 myń teńgeni qurady.
«Jedel-izdestirý sharalarynyń nátıjesinde 34 jastaǵy Baıqonyr qalasynyń turǵyny qolǵa tústi. Ol óz kinásin tolyǵymen moıyndady. Atalǵan derek boıynsha QR Qylmystyq Kodeksiniń 188-babynyń 3-bóliginiń 1-tarmaǵymen sotqa deıingi tergep-tekserý júrgizilip, qylmystyq is aıyptaý aktisimen sotqa joldandy. Onda iri mólsherde jasalǵan urlyq jaǵdaıy kórsetilen», - dep málim etti Qyzylorda oblystyq polıtsııa departamentiniń baspasóz qyzmeti.
Qyzylorda qalasynyń №2 soty aıyptalýshyǵa 4 jyl 6 aı merzimge bas bostandyǵynan aıyrý jazasyn taǵaıyndady. Sot oǵan jábirlenýshige keltirilgen shyǵyndy zańmen belgilengen tártippen óteýdi mindettedi.
Budan buryn Qyzylordada polıtseıdi urǵan qyzylordalyq 3 jylǵa sottaldy.