Qyzylordada 4-qabattan qulap ketken úsh jasar sábı aman qaldy

QYZYLORDA. QazAqparat - Qyzylordada úsh jasar sábı tórtinshi qabattan qulap ketti. Qazir balanyń jaǵdaıy jaqsardy, dep habarlaıdy QazAqparat tilshisi.

Oblys ortalyǵyndaǵy «Araı» móltek aýdanynda 3 jasar sábı 4-qabattan qulap, aýrýhanaǵa jetkizildi. Qazir balanyń jaǵdaıy jaqsy. Oqıǵa boıynsha polıtsııa qyzmetkerleri tekseris jumystaryn júrgizýde. Keıingi jyldarda qalada balalardyń kópqabatty turǵyn úıl terezesinen qulap ketý jaǵdaıy jıi tirkelýde.

«Bıyl mundaı 3 jaǵdaı tirkelgen. Byltyr 10 bala terezeden qulap, onyń 2-i qaza tapty. Osy sebepti jaz boıy tótenshe jaǵdaılar departamentiniń qyzmetkerleri qala turǵyndaryna túsindirme jumystaryn júrgizedi», – dedi Qyzylorda qalasy Tótenshe jaǵdaılar basqarmasynyń bastyǵy Jasulan Túımebaev.

Budan buryn habarlanǵandaı, Qyzylordada tórt jastaǵy sábı úshinshi qabattan qulap ketti.