Qyzylordada 4 adamǵa oq atqan eki jigit sottaldy
QYZYLORDA. QazAqparat - Qyzylorda qalasynda sózge kelispeı qalǵan jigitterge qarsy oq atqan eki adamǵa sot úkimi shyqty, dep habarlaıdy QazAqparat tilshisi.
Sot materıaldaryna súıensek, ol ekeýi meıramhanada bir top jigittermen sózge kelispeı qalady. Keıinnen olarmen sóılesýge taǵy barady. Degenmen eki jaq bir sheshimge kele almaıdy.
«Ashýǵa ábden berilgen eki jigittiń biri atys qarýynan aspanǵa oq atqan. Al ekinshisi jábirlenýshilerge qarsy atqan. Sonyń saldarynan 4 jábirlenýshiniń densaýlyǵyna aýyr zııan kelgen», - dedi Qyzylorda oblysynyń qylmystyq ister jónindegi mamandandyrylǵan aýdanaralyq sotynyń sýdıasy D.Alıev.
Sot úkimimen sottalýshylardyń birine 5 jylǵa bas bostandyǵynan aıyrý jazasy taǵaıyndaldy. Ol jazasyn qylmystyq-atqarý júıesiniń qaýipsizdigi ortasha mekemesinde óteıtin boldy.
Ekinshisine 4 jylǵa bas bostandyǵyn shekteý jazasy taǵaıyndalyp, oǵan probatsııalyq baqylaý belgilendi.
