Qyzylordada 4 adam muz astyna túsip ketken oqıǵaǵa qatysty jańa derekter belgili boldy
Bul jóninde oblystyq tótenshe jaǵdaılar departamenti bastyǵynyń orynbasary Saıd Moldaqaraev aıtyp berdi. Keleńsiz jaǵdaı Aral aýdanyna qarasty Qambash kóli aýmaǵynda bolǵan.
Onyń aıtýynsha, 8 jeltoqsanda bolǵan oqys oqıǵa barysynda júrgizýshi, qasynda otyrǵan adam men artqy bóliginen bir adam kólikten shyǵyp úlgeredi. Tórt adam kólikpen birge muz astyna ketedi.
Habar túskennen keıin jedel qutqarý jasaǵynyń qutqarýshylary izdestirý jumystaryn júrgizdi.
«Túngi ýaqytta izdeý jumystary toqtatylyp, keıinge shegerildi. Búgin, 9 jeltoqsanda tańǵy 7.30 shamasynda qutqarýshylar izdeýdi qaıta jalǵastyrdy. Sý astynan 7 metrdeı tereńdikten kólik tabylyp, sýǵa ketken tórt adamnyń máıiti tabyldy. Saǵat 8.50 shamasynda alǵashqy máıit syrtqa shyǵarylsa, arada 15 mınýt ótkende olardyń barlyǵynyń jansyz denesi polıtsııa qyzmetkerlerine tapsyryldy. Oqıǵa Qambash kóliniń jaǵalaýynan 3 shaqyrym qashyqtyqta bolǵan», - dedi departament basshysynyń orynbasary.
Jyl basynan beri oblysta osyǵan uqsas 5 keleńsiz jaǵdaı tirkelip, 9 adam kóz jumǵan.