Qyzylordada 37 aýla jáne balalar oıyn-sport alańdary paıdalanýǵa beriledi

Bul týraly V shaqyrylǵan qalalyq máslıhattyń kezekten tys HHHІ sessııasynda depýtattar aldynda esep bergen qala ákimi Nurlybek Nálibaev aıtty.

Qalada buqaralyq sportty damytý baǵytyndaǵy júıeli jumystar bıyl da óz jalǵasyn tabady. Qalalyq bıýdjetten bólingen 11 mln.teńgege Qajymuqan Muńaıtpasuly atyndaǵy sport klýby ashyldy.

Bıylǵy jyly 534 mln. teńgege 37 aýla jáne balalar oıyn-sport alańdary paıdalanýǵa berilip, Tasbóget kentinde salynatyn sporttyq saýyqtyrý keshenderiniń joba-smetalyq qujattary ázirlenedi.

Salynatyn aýla jáne balalar oıyn-sport alańdarynyń ereksheligi múmkindigi shekteýli azamattar úshin qoljetimdi bolmaq.

Oblystyq fýtbol federatsııasynyń qoldaýymen qaladaǵy № 101 mektep aýlasynan shaǵyn fýtbol alańy salyndy jáne Ilı Ilın atyndaǵy sport alańy qaıta jańǵyrtylýda.

Munan ózge, bıyl qalada demeýshiler esebinen 25 mln.teńgege bir mezette 20 azamatqa turaqty qyzmet kórsetetin «Aqmergen» atý tıri paıdalanýǵa berildi.

Jyl ishinde Ilıa Ilın atyndaǵy aýyr atletıka ortalyǵy men boks saraıynyń qurylysy salynady.