Qyzylordada 350 otbasy baspanaly boldy
QYZYLORDA. QazAqparat - «Óńirlerdi damytýdyń 2020 jylǵa deıingi baǵdarlamasy» aıasynda jańa «Sáýlet» móltek aýdanynda «Báıterek development» aktsıonerlik qoǵamy arqyly salynǵan 350 páterlik 7 kópqabatty turǵyn úıi el ıgiligine berildi. Qala kúni merekesinde oblys ákimi Q.Kósherbaev baspanaly bolǵan qyzylordalyqtardy qýanyshtarymen quttyqtap, páter kiltin tabystady.
- Bıyldyń ózinde 80 kópqabattyturǵyn úıler qurylysy júrgizilip, úsh jylda Qyzylordada jańadan 11 shaǵyn aýdan boı kóterdi. Onyń birinde ózderińiz qonys tepkeli tursyzdar! 2016 jyldyń qańtar aıynda qurylysy bastalǵan osy aýdanda, bar-joǵy 9 aıda osyndaı sapaly da záýlim úılerdi turǵyzǵan merdiger mekeme «Astana Ásem Qurylys» jaýapkershiligi shekteýli seriktestiginebarsha qala turǵyndarynyń atynan rahmetimizdi aıtamyn. Jańa qonystaryńyz qutty, yrysy mol bolsyn, - dedi aımaq basshysy Q.Kósherbaev.
Aıta keteıik, oblys boıynsha qurylys kólemi 3,5 esege, Qyzylorda qalasynda atalǵan kórsetkish 8 esege artty. Sonymen qatar sońǵy úsh jyldyń kóleminde Qyzylorda qalasy boıynsha jalpy aýdany 265 myń sharshy metrdi quraıtyn, 3 502 páterlik 82 kópqabatty turǵyn úılerdiń qurylysy júrgizildi.
