Qyzylordada 32 jańa onkologııalyq aýrýlarǵa kómek berý kabıneti ashylǵan
QYZYLORDA. QazAqparat - Bıyl Qyzylorda oblysynda qaterli isik aýrýlaryna kómek kórsetýdi jetildirý baǵytynda aýrýdy erte anyqtaý jáne onkologııalyq aýrýlarǵa kómek sapasyn jaqsartý maqsatynda 32 mamandandyrylǵan kabınet ashyldy. Bul týraly QazAqparat tilshisi oblystyq densaýlyq saqtaý basqarmasyna silteme jasap habarlady.
Profılaktıkalyq kabınettermen jabdyqtaý 45,8%-dan 87,5%-ǵa, kadrmen qamtamasyz etý kórsetkishi 37,5%-dan 79,1%-ǵa joǵarylady. Sonymen qatar, aýdandarda atalmysh aýrý túrine analgetıkterdiń qoljetimdiligi qamtamasyz etildi.
- Jyl basynan beri josparlanǵan 70 mamannyń 90%-y bilim deńgeılerin arttyrý kýrstarynan ótti. Onyń ishinde 14 mammolog, 8 onkolog qaıta daıarlaýdan ótse, proktologııalyq jáne qaraý kabınetteriniń 40 mamany bilimderin jetildirdi. Qaterli isik aýrýynan І-ІІ satysynda alǵash anyqtalǵandar sany ótken jylmen salystyrǵanda 24% ósken. Atalmysh aýrýdyń asqynýy 42%-ǵa, dertten qaıtys bolý kórsetkishi 21%-ǵa tómendegen, - dedi A.Álnazarova.
