Qyzylordada 31 jastaǵy azamattyń denesi Syrdarııada qalqyp júrgen jerinen tabyldy
QYZYLORDA. QazAqparat - Qyzylorda qalasynda qutqarýshylar búgin 31 jastaǵy azamattyń denesin Syrdarııa ózeniniń betinde qalqyp júrgen jerinen taýyp aldy, dep habarlaıdy QazAqparat tilshisi.
1990 jylǵy azamat eki kúndeı buryn darııanyń «Mereı» shaǵyn aýdany aýmaǵynda belgilenbegen jerde sýǵa batyp ketken. Qutqarýshylar darııada eki kún boıy izdeý jumystaryn júrgizdi. Nátıjesinde azamattyń denesi búgin, 7 shildede saǵat 5.30-da oqıǵa ornynan 1 shaqyrymdaı qashyqtyqta sý betinde qalqyp júrgen jerinen tabyldy.
Taǵy bir oqıǵa, 6 shildede «Domostroıtel» saıajaıynyń aýmaǵynda bolǵan. Sol aýmaqta 1955 jylǵy azamat 12.35-te sýǵa batyp ketken. Qutqarýshylar kómegimen 66 jastaǵy azamattyń denesi saǵat 13.13-te sýdan shyǵaryldy.
«Qazir óńirde aptap ystyq baıqalyp tur. Sondyqtan turǵyndardan barlyq qaýipsizdik sharalaryna nazar aýdarýyn suraımyz», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.
Eske salsaq, budan buryn Jańaqorǵanda 10 jáne 11 jasar eki bala kanalǵa batyp ketti.
Aıta ketsek, jyl basynan beri oblystyń sý aıdyndarynda 35 adam sýǵa ketip kóz jumdy. Onyń ishinde 20 bala.
