Qyzylordada 3 jyl buryn joǵalǵan adam Túrkistannan tabyldy
QYZYLORDA. QazAqparat - Qyzylordalyq polıtseıler úsh jyl buryn joǵalǵan er adamdy tapty, dep habarlaıdy QazAqparat tilshisi.
2018 jyldyń qazan aıynda Qyzylorda oblysynyń turǵyny polıtsııaǵa óziniń 48 jastaǵy týǵan inisiniń turǵylyqty úıinen belgisiz baǵytqa shyǵyp ketip, qaıta oralmaǵany jóninde habarlaǵan edi. Atalǵan derek boıynsha sol ýaqytta izdestirý isi arnalyp, jedel-izdestirý jumystary júrgizildi.
«Bul baǵytta Qarmaqshy aýdandyq polıtsııa bóliminiń krımınaldy polıtsııa bólimshesiniń jedel ýákilderimen tynymsyz izdestirý jumystaryn júrgizdi. Osynyń nátıjesinde habar-osharsyz ketken azamat úsh jyldaı ýaqyttan keıin Túrkistan qalasynda vokzal mańynda júrgen jerinen tabyldy. Ol Qarmaqshy aýdandyq polıtsııa bólimine jetkizilip, inisine tapsyryldy. Belgili bolǵandaı, ol júıke aýrýymen syrqattanady. Oǵan deıin de birneshe márte úıinen ketip qalǵan. Surastyrý barysynda, joǵalǵan er adam osyǵan deıin Almaty qalasynda sharýashylyqta mal baǵyp kúnin kórgendigin aıtqan», - dep málim etti Qyzylorda oblystyq polıtsııa departamentinen.
Budan buryn Qyzylordada tańǵy saǵat 6-da úıden shyǵyp, joǵalyp ketken bes jasar bala tabyldy.
