Qyzylordada 3 jasar bala úshinshi qabattan qulap ketti
QYZYLORDA. QazAqparat - Qyzylorda oblysy Shıeli aýdanynda 3 jastaǵy ul bala úshinshi qabattan qulap ketti, dep habarlaıdy QazAqparat tilshisi.
Jaraqat alǵan sábı aýrýhananyń jansaqtaý bólimine jatqyzyldy.
Óńirde 2018-2021 jyldar aralyǵynda kóppáterli turǵyn úılerdiń balkony men terezesinen adamdardyń qulaýyna baılanysty bolǵan jazataıym oqıǵalarǵa taldaý júrgizildi. 2020 jyly - 6, 2019 jyly - 7 (1-i kóz jumdy), 2018 jyly - 4 bala (1-i qaza bolǵan) osyndaı tosyn oqıǵanyń zardabyn tartty. Olardyń negizgi bóligin 1-6 jas aralyǵyndaǵy balalar quraıdy.
«Balalardyń terezeden qulaý dereginiń basty sebebi - ata-analardyń baqylaýsyz qaldyrýy. Sondaı-aq, terezede temir torlardyń bolmaýy, moskıtti tordyń berik bekitilmeýi jáne balalardyń tereze aldynda oınaýy oqys oqıǵaǵa sebepshi bolady», - dep málim etti Qyzylorda oblystyq tótenshe jaǵdaılar departamentinen.
