Qyzylordada 3 myńnan astam bala qatysqan sherý ótti
QYZYLORDA. QazAqparat -1 maýsym - Halyqaralyq balalardy qorǵaý kúnine oraı Qyzylordadaǵy ortalyq alańda balalar men jastardyń mýzykalyq orkestrleri men ansamblderiniń sherýi ótti, dep habarlady QazAqparat.
Mundaǵy maqsat - "Máńgilik El" jalpyulttyq ıdeıasyn iske asyrý jaǵdaıynda óskeleń urpaqqa saltanatty jáne kóshe-festıvaldy sherýi arqyly estetıkalyq jáne patrıottyq tárbıe berý. Bıyl alǵash ret uıymdastyrylǵan sharaǵa respýblıkanyń barlyq bilim berý uıymy qatysýda. Qyzylordadaǵy sherýge 3 myńnan astam bala qamtyldy. Aımaqtyń túkpir-túkpirinen jınalǵan olar qalanyń úsh baǵytyndaǵy kóshelerdiń boıymen án salyp, mýzykalyq kompozıtsııalar oryndap ortalyq alańǵa jınaldy. 
Oblys ákiminiń orynbasary Rýslan Rústemov alǵash ret uıymdastyrylǵan sherýdi respýblıkanyń mádenı ómirindegi biregeı oqıǵa dep, qatysýshylardy mereıli merekemen quttyqtady. Sherýge qatysqan balalar kóterińki kóńil-kúımen tarqady.
