Qyzylordada 26 jastaǵy qala turǵyny eki aıdan beri tabylmaı jatyr
Bul jóninde Qyzylorda qalalyq polıtsııa basqarmasy habarlady.
Málim bolǵanyndaı, 26 jastaǵy Naýryzbaı Baný Shaımerdenqyzy 13 shildede úıinen belgisiz baǵytqa shyǵyp ketken. Sodan beri qaıta oralmaǵan.
«Osyǵan baılanysty Qyzylorda qalalyq polıtsııa basqarmasy izdeý salady. Ony Qyzylorda qalasyndaǵy Amankeldi kóshesinde ornalasqan kópqabatty úıdiń aýlasynan sońǵy márte kórgender bar. Boıy 160-165 sm, orta deneli, shashy uzynsha kelgen jáne qara tústi, oń jaq kózinde meńi bar. Aq tústi kóılek, aıaǵyna aq tústi krossovka kıgen. Atalǵan habarlama boıynsha qandaıda bir aqparat nemese júrgen jeri týraly málimet bilgen jaǵdaıda 8 (7242) 29 75 20 telefon nómirine nemese 102 arnasyna qońyraý soǵýdy suraımyz», - dep jazylǵan basqarma taratqan habarlamada.
Eske salsaq, budan buryn Qyzylordada joǵalyp ketken 21 jastaǵy jigit tabyldy.