Qyzylordada 254 keli balyqty zańsyz aýlaǵan turǵyn ustaldy
QYZYLORDA. QazAqparat - Qyzylorda oblysynda zańsyz balyq aýlaǵan turǵynnan 254 keli balyq tárkilendi , – dep habarlaıdy QazAqparat tilshisi.
Aral aýdany «Qaratereń» aýylynyń turǵyny «Aqlaq» sý bógetinde zańsyz balyq aýlaý ústinde tabıǵat qorǵaý polıtsııa tobynyń qyzmetkerleriniń qolyna tústi. Oblys kóleminde 1-31 mamyr aralyǵynda «Ýyldyryq» jedel-profılaktıkalyq is-sharasy júrgizilýde. Іs-shara barysynda arnaıy mobıldik top qurylǵan.
«Zańsyz balyq aýlaǵan turǵynnan rezeńke qaıyq, aý jáne 254 keliden astam balyq tárkilendi. Atalǵan derek boıynsha QR Qylmystyq Kodeksiniń 335-babynyń 1-bóligimen tergep-tekserý amaldary júrgizilip jatyr. Onda balyq resýrstaryn zańsyz alý jaǵdaıy kórsetilgen», - dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada jergilikti turǵyn aýyldasynyń ólimine sebepshi boldy.
