Qyzylordada 25 memqyzmetshi jemqorlyq qylmysy úshin jaýapqa tartyldy
Bul qylmystardyń basym bóligi para alýǵa qatysty bolyp otyr. Ásirese, memlekettik jáne salalyq baǵdarlamalar boıynsha orta bıznes ókilderinen para alý derekteri jıi kezdesip jatady. Atap aıtqanda, jyl basynan beri 25 adam jemqorlyq qylmysymen jaýapqa tartylǵan. Olardyń arasynda 7-ýi bas bostandyǵynan aıryldy. Mundaı kórinister quqyq qorǵaý salasynda kóbirek baıqalady.
Osy jóninde Sybaılas jemqorlyqqa qarsy is-qımyl ulttyq bıýrosynyń oblys boıynsha departament basshysy Ádilhan Áshirbaev «Óńir úshin ózekti máseleniń biri - quqyq qorǵaý júıesindegi sybaılas jemqorlyq bolyp otyr. Ústimizdegi jyldyń ózinde atalmysh salanyń 4 qyzmetkerine qatysty qylmystyq is aıaqtaldy. Biz qoǵamǵa jat mundaı ádettermen kúres baǵytynda tıisti is-sharalardy atqaryp kelemiz. Sondaı-aq, áleýmettik jeliler arqyly qoǵamdyq baqylaý júıesi jasalýda», dedi óńirlik kommýnıkatsııalar qyzmetinde ótken baspasóz máslıhatynda.
Taǵy bir aıta keterligi, oblys boıynsha memlekettik mekemelerde 170-ten astam qyzmettik oryn bos tur, Olardyń basym bóligin salyq, qarjy salalary quraıdy.
Ádiljan Úmbet