Qyzylordada 25 mamyrdan bastap iske qosylatyn uıymdardyń tizimi ózgerdi
Bul týraly óńirlik kommýnıkatsııalar qyzmetiniń aqparat alańynda Qyzylorda oblysy ákiminiń orynbasary Naýryzbaı Baıqadamov málimdedi.
«Besinshi kezeń 25 mamyrdan bastalady. Bul kúni iske qosylatyn salalar men uıymdardyń tizimine tolyqtyrýlar engizildi. Atap aıtqanda, 6-11 synyp oqýshylary úshin jeke qosymsha bilim ortalyqtary jumys isteıdi. Onda jeke sabaq - bir adamnan bolsa, al toptyq sabaqtarda - 10 adamnan aspaýy tıis. Al oqý bólmesindegi oqýshylardyń araqashyqtyǵy - 1,5 metr bolyp saqtalýy qadaǵalanady jáne saǵat 10.00-den 17.00-ge deıin isteıtin bolady. Sondaı-aq, halyqqa qyzmet kórsetý ortalyqtarynyń jumys ýaqyty aldyn ala jazylý boıynsha saǵat 09.00-den 18.00-ge deıin uzartyldy», - dedi Naýryzbaı Seıtqalıuly.
Atalǵan nysandar sanıtarlyq-dezınfektsııalyq sharalardy saqtaı otyryp jáne shekteýli ýaqytta qyzmet kórsetedi.
Budan buryn Qyzylordada keıbir shekteý sharalary qaıta engizilýi múmkin ekenin habarlaǵan edik.